NASAning Qizil sayyorani tadqiq etishga mo'ljallangan saytida Global CTX Mosaic of Mars deb nomlangan ajoyib onlayn xarita paydo bo'ldi. Undagi tasvir bittaga o'xshaydi, lekin aslida u 110 000 xil suratdan iborat. Ularning barchasi Mars Reconnaissance Orbiter (MRO) sayyoralararo stansiyasi tomonidan ishlab chiqilgan.
Mozaik tasvir barcha turdagi tasvirlar orasida eng yuqori aniqlikka ega – 5,7 trillion piksel (5,7 terapiksel).
Ushbu durdona Kaliforniya texnologiya institutining Bryus Myurrey Vizuallashtirish laboratoriyasi mutaxassislari tomonidan yaratilgan. Buning uchun ular olti yil va o'n minglab soat mashaqqatli mehnat qilishdi.
Xarita Marsning 99,5 foizini, janubiy 88° kenglikdan 88° shimoliy kenglikkacha qamrab olgan. Qolgan 0,5 foizini MRO hali suratga olmagan. Ular ehtimol keyinroq kiritiladi.
Umuman olganda, Global CTX Mosaic of Mars Google Yer sayyorasi xizmatiga juda o'xshaydi. Mohiyati bir xil: sun'iy yo'ldosh fotosuratlari 3D globusga qo'yilgan. Kattalashtirish yoki kichraytirish, sayyorani aylantirish va uning sirtining xususiyatlarini o'rganish mumkin. Kirish bepul, deyiladi, mail.ru saytida.
