Yig‘ilish ishtirokchilari Markaziy Amerika parlamentining Mustaqil Davlatlar Hamdo‘stligiga a’zo davlatlar Parlamentlararo assambleyasi faoliyatida ishtirok etish masalasi bo‘yicha murojaati masalasini ko‘rib chiqdilar.
Muhokama qilingan yana bir muhim masala - tarixiy xotirani asrab-avaylash va tarixni soxtalashtirish urinishlariga yo‘l qo‘ymaslik masalasi bo‘ldi.
Komissiya a’zolari shuningdek, MDH Parlamentlararo Assambleyasi kuzatuvchilari guruhining mintaqadagi saylovlarni kuzatishdagi ishtiroki haqidagi axborotni eshitdi.
Yig‘ilish ishtirokchilari komissiyaning 2022-yildagi faoliyati yakunlarini sarhisob qilib, MDH PA Siyosiy masalalar va xalqaro hamkorlik bo‘yicha doimiy komissiyasi raisining o‘rinbosarlarini sayladi.
O‘zbekiston Respublikasi Oliy Majlisi Senatini Axborot xizmati.
