Doimiy komissiya majlisini uning raisi, O‘zbekiston Respublikasi Oliy Majlisi Qonunchilik palatasining Fan, ta'lim, madaniyat va sport masalalari qo‘mitasi raisi Erkin Zohidov olib bordi.
Hamdo‘stlik mamlakatlari parlamentlari vakillariga MDH davlatlari uchun namunaviy Intellektual mulk kodeksining yangi tahriri loyihasi taqdim etildi.
Parlamentariylar, shuningdek, madaniyat, turizm va sport sohalarida raqamli rivojlanish jabhasida qonun ijodkorligi yo‘nalishini ham muhokama etdi.
Shuningdek, majlis kun tartibidan «Televidenie va radioeshittirish to‘g‘risida»gi, «Raqamli media-resurslar muhitida elektron aloqalar to‘g‘risida»gi namunaviy qonunlarni ishlab chiqish masalalari o‘rin oldi.
O‘zbekiston Respublikasi Oliy Majlisi Senati Axborot xizmati.
