Qaror bilan 2021–2023-yillarda Davlat bojxona qoʻmitasining Milliy kinologiya markazi faoliyatini yana-da rivojlantirish va takomillashtirish konsepsiyasi tasdiqlandi.
Konsepsiyaga koʻra, jumladan, quyidagilarni amalga oshirish nazarda tutilgan:
➖ kinologiya xizmatini sifatli tashkil etish maqsadida xodimlarni ragʻbatlantirish va kinologlarga 1, 2, 3-darajali kinolog koʻkrak nishonlarini joriy etish;
➖ bojxona xizmati organlari hisobidagi zotdor itlarning kelib chiqishi boʻyicha tahlil ishlarini olib borish uchun “Kinologiya xizmati” avtomatlashtirilgan axborot tizimida alohida dastur yaratish;
➖ fuqarolar va it boquvchilarga tavsiyalar berish hamda ularga xizmat koʻrsatish maqsadida onlayn rejimida ishlovchi “Veterinariya xizmati” interaktiv xizmatini yoʻlga qoʻyish.
Markaz tomonidan veterinariya va davolash-profilaktika va laboratoriya-diagnostika ishlari boʻyicha pulli xizmatlarni koʻrsatish Markaz hududida alohida tashkil etiladigan veterinariya klinikasi orqali amalga oshiriladi.
