Yigʻilishda taʼkidlanganidek, eng asosiy masala – parasportchilarni tayyorlashda ularning nogironlik toifasini barvaqt aniqlashni yoʻlga qoʻyish zarur.
Mutasaddilarga ikki oyda “Xalqaro paralimpiya qoʻmitasi klassifikatsiya kodeksi” talablari asosida Milliy klassifikatsiya qoidalarini tasdiqlash boʻyicha topshiriq berildi.
Sogʻliqni saqlash vazirligiga parasportchilarga klassifikatsiyadan oʻtkazish va ularga tibbiy xizmat koʻrsatishga koʻmaklashadigan tibbiyot mutaxassislarini biriktirish topshirildi.
O‘zbekiston Respublikasi Prezidenti, Milliy Olimpiya qo‘mitasi raisi Shavkat Mirziyoyev boshchiligida 13-fevral kuni olimpiya va paralimpiya harakati, ixtisoslashtirilgan va ommaviy sportni yangi bosqichga olib chiqish hamda aholi jismoniy faolligini oshirish chora-tadbirlari bo‘yicha videoselektor yig‘ilishi o‘tkazildi.
Umuman, aholining ommaviy sport bilan qamrovini kamida 15 millionga yetkazish favqulodda muhim ahamiyatga ega ekani qayd etildi. Bunga faqat Sport vazirligi emas, har bir rahbar, viloyat, shahar va tuman hokimlari masʼul boʻladi.
