Oliy Majlis Senati Raisi Tanzila Narbayevaning taklifiga binoan Misr Arab Respublikasi Parlamenti Senati Raisi Abdulvahob Abdulroziq boshchiligidagi delegatsiya mamlakatimizga tashrif bilan keldi. Mehmonlarni Oliy Majlis Senati raisining birinchi oʻrinbosari Sodiq Safoyev kutib oldi.
Misr delegatsiyasi aʼzolari “Yangi Oʻzbekiston” bogʻiga tashrif buyurib, Mustaqillik monumentiga gulchambar qoʻydi.
Mehmonlarga ushbu meʼmoriy ansambl mazmuni va oʻziga xos jihatlari haqida maʼlumot berildi, deb xabar beradi Oliy Majlis Senati matbuot xizmati.
Tashrif davomida Abdulvahob Abdulroziq boshchiligidagi delegatsiyaning Oliy Majlis palatalari rahbarlari bilan uchrashuvlari hamda koʻhna Samarqandning tarixiy va meʼmoriy obidalariga tashrifi rejalashtirilgan.
Joriy yil 21-iyulda Islom Karimov nomidagi Toshkent xalqaro aeroportida Centrum Air aviakompaniyasining Toshkent-Sharm al-Shayx-Toshkent reysining tantanali ochilish marosimi bo‘lib o‘tdi.
