Ularning birida mamlakat hududlarida tadbirkorlikni rivojlantirish bo‘yicha Prezident Shavkat Mirziyoyev tomonidan o‘tkazilgan videoselektor yig‘ilishiga e’tibor qaratilgan.
Maqolada O‘zbekiston rahbarining tuman va shaharlarda tadbirkorlikni har tomonlama rivojlantirishga qaratilgan sa’y-hakaratlari yuqori baholangan.
Kichik biznes va mahalliy resurs soliqlarining hududlar ixtiyorida qolayotgani hamda Prezident mintaqalarni birdek rivojlantirish maqsadida Davlat soliq qo‘mitasiga mahalliy byudjetlarni qo‘llab-quvvatlash bo‘yicha tegishli ko‘rsatmalar bergani qayd etilgan.
Joriy yilning 8 oyida 60 mingdan ziyod yangi kichik biznes sub’ektlari faoliyat boshlagani va ko‘plab yangi ish o‘rinlari yaratilgani ta’kidlangan.
Yana bir maqolada O‘zbekiston Markaziy bankining mamlakatimiz 34,6 mlrd. dollar qiymatidagi oltin-valyuta zaxirasiga egaligi to‘g‘risidagi xabariga e’tibor qaratilgan.
“Al-Xabar al-youm” gazetasi, shuningdek, Marg‘ilon shahridagi Pur Siddiq majmuasida ta’mirlash va tiklash ishlari olib borilgani to‘g‘risida ham xabar chop etdi.