AQSH futbol Federatsiyasi tomonidan tashkillashtiriladigan professional futbol ligasi – MLSʼning “Atlanta Yunayted” klubi “Roma”ga Eldor Shomurodovni yangi hujumchi sifatida sotib olish taklifi bilan murojaat qilgan.
Bu haqda italiyalik futbol jurnalisti, futbol transferlari borasida dunyoga mashhur manbalardan biri hisoblangan Fabritsio Romano maʼlum qildi.
Jurnalistning taʼkidlashicha, hozirda muzokaralar davom etyapti va uni amalga oshirish uchun yaxshi imkoniyat ham mavjud.
Eslatib oʻtamiz, avvalroq “Roma”ning boshqa bir hujumchisi Ola Solbakken “Empoli”ga koʻchib oʻtgani haqida xabarlar tarqalgandi.
