Bu haqda mamlakat tashqi ishlar vaziri Mixay Popshoy e'lon qildi. Uning aniqlik kiritishicha, hujjatlar yangi parlament sessiyasi boshida ko'rib chiqiladi, deb xabar berdi mahalliy ommaviy axborot vositalari.
“Biz allaqachon MDH bilan uchta shartnomani denonsatsiya qilishni muvofiqlashtirish jarayonidamiz. Bu bizning MDHdagi a'zoligimizning asosini tashkil etuvchi shartnomalar, ya'ni: 1993-yil 22-yanvarda Minskda imzolangan MDH Nizomi; 1991-yil 8-dekabrda Minskda imzolangan MDHni tashkil etish to'g'risidagi shartnoma; 1991-yil 22-dekabrdagi ushbu shartnomaga ilova”, dedi Mixay Popshoy.
Ushbu qaror Moldova uchun nimani anglatishi haqidagi savolga u respublika endi rasman MDH a'zosi bo'lmasligini tushuntirdi, deb xabar berdi kaktus.media.
“A'zoligimizning asosini tashkil etuvchi ushbu uchta asosiy kelishuvning denonsatsiyasi bizga qonuniy jihatdan Moldova Respublikasi endi MDH a'zosi emasligini e'lon qilish imkonini beradi. Amalda, biz bir muncha vaqt oldin ishtirokimizni to'xtatgandik, ammo qonuniy jihatdan biz hali ham a'zo edik”, deb qo'shimcha qildi vazir.
