Sumalak kechasida Moskva Xalqaro ayollar klubi aʼzolari, jumladan, Belarus, Belgiya, Braziliya, Bruney, Daniya, Italiya, Lyuksemburg, Rossiya, Slovakiya, Tailand, Turkmaniston, Turkiya, Fransiya, Janubiy Koreya, Yaponiya vakillari, shuningdek, Yevropa Kengashining Dasturlar vakolatxonasi vakillari ishtirok etdi.

Kecha mehmonlari madaniy guruhlar tomonidan tayyorlangan oʻzbek xalq milliy raqslari, musiqa va qoʻshiqlaridan iborat konsert dasturi namoyishidan bahramand boʻldi.

Shuningdek, mehmonlar sumalakni tayyorlash jarayonida bevosita ishtirok etish imkoniyatiga ega boʻldi. Shu bilan birga, oʻzbekistonlik oshpaz shohona milliy taomimiz — palov tayyorlash sirlari haqida ham batafsil maʼlumotlar berdi.

Kechada milliy liboslar, matolar hamda oʻzbek ipagi mahsulotlari koʻrgazmasi ham namoyish etildi, deb xabar beradi “Dunyo” AA.