Mazkur tashabbusning asosiy maqsadi — Muhammad al-Xorazmiy nomidagi AKT ixtisoslashtirilgan maktab oʻqituvchilari uchun xalqaro kompaniya mutaxassislari ishtirokida treninglarni oʻtkazish va Oʻzbekistondagi IT-sohasi vakillari oʻrtasidan yuqori malakali va yetuk murabbiylar — mentorlarni tayyorlashdir. Treninglarda veb dasturlash boʻyicha maʼruzalar, amaliy mashgʻulotlari boʻlib oʻtadi.
EPAM Systems — dasturiy taʼminot ishlab chiqish va IT-sohasida konsalting xizmatlarini koʻrsatish boʻyicha jahondagi eng yirik korxonalaridan biri. Bugungi kunga qadar kompaniya 30 dan ortiq mamlakatlarda faoliyat koʻrsatmoqda. Kompaniya MDH davlatlarida ham oʻz vakolatxonalarini ochgan (Rossiya, Belarus, Ukraina, Qozogʻiston). Bundan tashqari, EPAM Systems Belarus Yuqori texnologiyalar parkining rezidenti sifatida roʻyxatdan oʻtgan.
