“Xavfsiz marshrut” yoʻnalishi boʻyicha Markaziy , Toshkent, Sharqiy hamda Janubi-gʻarbiy maxsus harbiy okrugi oʻzaro bellashayotgan boʻlsa, “Muhandislik formulasi” boʻyicha esa, Markaziy, Sharqiy hamda Janubi-gʻarbiy maxsus harbiy okrugi jamoalari ishtirok etishmoqda.

“Xavfsiz marshrut” musobaqasi nizomiga asosan jamoalar toʻrt hisobda bellashuvlarni amalga oshirishmoqda. Bunda MRD (muhandislik razvedka dozori hisobi, muhandislik razvedka ishlarini amalga oshiradi), “TMM-3” (ogʻir mexanizatsiyalashtirilgan koʻprik hisobi, koʻprik oʻrnatadi), “BAT-2” hisobi (kolonna yoʻllarini qayta tiklash ishlarini olib boradi), “IMR-2” hisobi (vayronalarni bartaraf etib yoʻlak ochadi).

“Muhandislik formulasi” musobaqasida harbiy xizmatchilar 6 ta texnika bilan 3 kilometr boʻlgan halqa yoʻlagida estafeta tarzida harakatlanib, texnikalarning xususiyati boʻyicha vazifalar bajaradi, deb xabar beradi Mudofaa vazirligi matbuot xizmati.