Oʻtkazilgan tezkor tadbirda fuqaro N.X. Namangan shahridagi koʻp qavatli uyning yertoʻlasida kelib chiqishi hamda sifatini tasdiqlovchi hujjatlari boʻlmagan umumiy bahosi 432,1 mln soʻmlik 9 turdagi dori vositalarini sotish maqsadida saqlab kelganligi aniqlanib, ushbu dori vositalari ashyoviy dalil sifatida olindi.
Hozirda holat yuzasidan Jinoyat kodeksining 25, 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni oʻtkazish maqsadida ishlab chiqarish, tayyorlash, olish, saqlash, tashish yoki oʻtkazish) bilan jinoyat ishi qoʻzgʻatilib, tergov harakatlari oʻtkazilmoqda.
