“One Million Uzbek Coders” loyihasi doirasida har yili uzbekcoders.uz platformasi orqali kurslarni muvaffaqiyatli yakunlagan davlat umumtaʼlim maktablari “Informatika va axborot texnologiyalari” fani oʻqituvchilari uchun tanlov eʼlon qilinadi.
Top-100 talik roʻyxatiga kirgan har bir oʻqituvchiga 4 900 000 soʻm pul mukofoti beriladi.
Anʼanaga koʻra navoiylik oʻqituvchilar bu safar ham birinchilikni qoʻlga kiritishdi.
Roʻyxatga koʻra viloyat boʻyicha Zarafshon shahridan 7 nafar, Navoiy shahridan 6, Uchquduq tumanidan 4, Navbahor tumanidan 3, Qiziltepa va Karmana tumanlaridan 1 nafardan gʻoliblar shohsupaga koʻtarilgan, deb xabar beradi Navoiy viloyat hokimligi matbuot xizmati.