Oʻzbekiston Respublikasida yirik miqdorda kredit mablagʻlarini olib, ularni qaytarmasdan Turkiya Respublikasiga yashiringan 37 yoshli, Samarqand viloyatida tugʻilgan fuqaro B.A. qoʻlga olindi.

Oʻzbekiston va Turkiya huquqni muhofaza qiluvchi organlari oʻrtasidagi hamkorlik natijasida mazkur shaxs aniqlanib, belgilangan tartibda ushlandi hamda qonuniy choralar koʻrish uchun Oʻzbekistonga qaytarildi.

Hozirda fuqaro B.A.ga nisbatan amaldagi qonunchilikka muvofiq tergov harakatlari olib borilmoqda.

Bosh konsulxona xorijda boʻlib turgan fuqarolarni amaldagi qonunlarga qatʼiy rioya etishga chaqirdi.