“Bu yil yutuqlari bizni ilhomlantiradigan va kelajakka umid baxsh etadigan laureatlarni qadrlash va qoʻllab-quvvatlash ayniqsa muhimdir. Yaqinlashib kelayotgan Nobel haftaligi munosabati bilan biz bu yil mukofot 1 million kronga (taxminan 100 ming dollar) koʻpaytirilishini eʼlon qilishdan mamnunmiz”, dedi Nobel jamgʻarmasi rahbari Lars Xeykensten.
Taʼkidlanishicha, 2012-yildan buyon fondning investitsiya kapitali 3 milliarddan 4,6 milliard krongacha (300 dan 460 million dollargacha) oʻsdi, shu bilan bogʻliq ravishda har yili beshta Nobel mukofoti toʻlanadigan daromad oshdi.
Nobel mukofotining hajmi 2011-yilgacha 10 million kronni tashkil etgan edi, oʻshanda Jamgʻarma daromadlari kamayganligi sababli u 8 milliongacha kamaytirildi. 2017-yilda mukofotlar 9 million kroongacha oshirildi.
Adabiyot, kimyo, fizika, tibbiyot va tinchlik boʻyicha Nobel mukofotlari laureatlari 5-oktyabrdan boshlab eʼlon qilinadi. Anʼanaga koʻra sovrinlarni topshirish 10-dekabrda, Alfred Nobel vafot etgan kuni boʻlib oʻtadi. Bu yil dunyoda koronavirus tarqalishi sababli Stokgolm shahar meriyasida anʼanaviy ziyofat bekor qilinib, medal va diplom topshirish marosimi onlayn tarzda boʻlib oʻtadi.