Musobaqada Respublikamizning turli viloyatlaridan tashrif buyurgan 100 nafarga yaqin yosh velopoygachilar oʻz mahoratlarini namoyish etyapti. Reglamentga koʻra, bugungi kun dasturida sportchilar 5 kilometr masofaga shaxsiy poyga boʻyicha yakkalik bellashuvlarini oʻtkazishdi.
Qiziqarli kechgan bahsda gʻoliblik mezbon jamoa vakili Beksultan Kurbaniyazovga nasib etdi. Ikkinchi natijani Milliy gvardiya qoshidagi “Dinamo” klubi vakili Nursultan Tursunov qayd etgan boʻlsa, kuchli uchlikni Nikita Yeremov yakunlab berdi.
Taʼkidlash joiz, ushbu chempionatni Nukusda oʻtkazishdan maqsad Respublikamizning barcha hududlarida sport targʻibotini yana-da kuchaytirishdir. Qoraqalpogʻiston esa sal kam 40 yil ichida ilk bor ushbu sport turidagi Respublika chempionatiga mezbonlik qilyapti, deb xabar beradi Milliy olimpiya qoʻmitasi matbuot xizmati.
