Bu haqda Dawn gazetasi xabar bermoqda.

Unga ko'ra, hujumlar 25-avgust kuni kechqurun boshlangan va Pokiston armiyasining Mastung, Kalat, Pasni va Suntsar shaharlaridagi chaqiruv markazlari va politsiya bo'limlariga qaratildi. Bundan tashqari, kun davomida Sibi, Panjgur, Turbat, Bela va Kvettada terrorchilik harakati qayd etildi. Nashr Musaxayl tumanida sodir bo'lgan holatga alohida e'tibor qaratdi: u yerda qurollangan shaxslar shaharlararo magistralni to'sib qo'yishdi. Ekstremistlar avtobuslar, mikroavtobuslar va yuk mashinalarini to'xtatib, keyin haydovchilar va yo'lovchilarni otib tashladi, 23 kishi halok bo'ldi.

Hujumlar uchun javobgarlikni Pokistonda taqiqlangan Belujiston ozodlik armiyasi guruhi o'z zimmasiga oldi, deb xabar beradi tass.ru.