Osiyo futbol konfederatsiyasi OFK Kubogi 2021 yilgi mavsum guruh bosqichi “F” guruhi o'yinlari markazlashgan holda Tojikistonda o'tkazilishini e'lon qildi.

“F” guruhidan O'zbekistonning OKMK yoki “Nasaf” Tojikistonning “Xo'jand”, Turkmanistonning “Oltin asr” va Qirg'izistonning “Oloy” klublari joy olgan.

Guruh bosqich o'yinlari markazlashgan tizimda 14-20 may kunlari Dushanbedagi “Markaziy” stadionida o'tkaziladi. Guruh g'oliblari o'rtasidagi pley-off bahslari esa 11-25 avgust kunlari bo'lib o'tadi. Bu o'yinlar mezboni hali aniq emas.

Qayd etish joizki, OKMK Qatarning “Al-G'arafa” klubiga qarshi OCHL saralash bosqichi pley-off bahsida g'alaba qozonsa, OCHL “A” guruhidan joy oladi. “Nasaf” esa OFK Kubogida ishtirok etadi. Aks holda Olmaliq klubi OFK Kubogi “F” guruhida qatnashib, o'yinlarini Dushanbeda o'tkazadi.

OFK kubogi “F” guruhi o'yinlari jadvali:
1-tur
14 may.
OKMK/”Nasaf” – “Oloy”.
“Oltin asr” – “Xo'jand”.

2-tur
17 may.
“Oloy” – “Oltin asr”.
“Xo'jand” – OKMK/ “Nasaf”.

3-tur
20 may
OKMK/ “Nasaf” – “Oltin asr”.
“Xo'jand” – “Oloy”.