Ohangaron tumanida “Yangi Oʻzbekiston” massivi bunyod etiladi.
Bu haqda Toshkent viloyati axborot xizmati maʼlum qildi.
Taʼkidlanishicha, ushbu massiv Ohangaron tumanining “Oʻzbekiston” MFY hududidagi 36 gektar yer maydonida bunyod etiladi.
2026-2029-yillarda qurilishi moʻljallangan “Yangi Oʻzbekiston” massivida 30 ta 7 qavatli (1-qavati noturar), 51 ta 9 qavatli jami 3 784 xonadonli turar joy binolari qad rostlaydi.
Shuningdek, massivda, 1500 oʻrinli umumtaʼlim maktabi,1500 oʻrinli maktabgacha taʼlim tashkiloti, oilaviy shifokorlik punkti, biznes markaz, mehmonxona, kongress zali, park obyektlari quriladi.
