Oilaviy tadbirkorlikka qoʻshimcha 300 million dollar ajratiladi

    Hukumat 25 Yanvar 2023 1673

    Prezident oilaviy tadbirkorlikni yanada ragʻbatlantirish maqsadida moliyaviy koʻmak koʻlami kengaytirilishini taʼkidladi.

    Jumladan, 2023-yilda:

    - tadbirkorlar faoliyatini kengaytirish uchun kredit miqdori amaldagi 225 million soʻmdan 300 million soʻmgacha oshiriladi;

    - dehqon xoʻjaliklariga garovsiz kredit miqdori 50 million soʻmgacha oshiriladi (amalda 33 million soʻm);

    - avval oilaviy tadbirkorlik dasturlari doirasida kredit olib, yaxshi natija koʻrsatgan tadbirkorlar ushbu dasturlar doirasida yana imtiyozli kreditlar olishi mumkin boʻladi (hozir faqat bir marta olish mumkin);

    - yangi kreditlar olgan fuqarolar oʻzini oʻzi band qilganlar uchun berilgan imtiyozlardan foydalanadi;

    - kreditlarning bir qismini plastik kartaga olishga ruxsat beriladi.

    2023-yilda oilaviy tadbirkorlik dasturiga 12 trillion soʻm beriladi (2022-yilda – qariyb 10 trillion soʻm). Prezident yaqinda imzolagan qarorga koʻra, oilaviy tadbirkorlikka qoʻshimcha 300 million dollar ajratiladi.