Ayrim kuryerlik tashkilotlari tomonidan fuqarolarning shaxsiy maʼlumotlaridan ularning ruxsatisiz foydalanish natijasida joriy yilda 4 ta holatda 200 dan ortiq fuqaro nomiga yuklar olib kelingan. 1,4 milliard soʻmlik tovarlar vaqtincha saqlovga olinib, kuryerlarga nisbatan jinoiy ishlar qoʻzgʻatilgan.
2021-yil davomida fuqarolarning ruxsatisiz ularning nomiga olib kelingan yuklar oʻrganilganda ushbu fuqarolarning 568 nafari olamdan oʻtgan shaxslar ekani aniqlangan. Bu haqda Bojxona qoʻmitasi raisi oʻrinbosari O.Choriyev parlament quyi palatasi majlisida qayd etib oʻtdi.