Topiboldi Xoldorov Toshkent shahridagi Respublika shoshilinch tez tibbiy ilmiy yordam markazida davolanayotgan edi. Marhumning janozasi kechki soatlarda uning xonadonida, Fargʻona tumanidagi Yoshlarobod qishlogʻi, Tinchlik MFYda oʻtkaziladi.
Topiboldi Xoldorov 1942-yil 1-fevralda Fargʻona tumanida tugʻilgan, viloyatda matlubot va savdo sohalarida turli vazifalarda mehnat qilgan. 2000-yildan 2009-yilga qadar Nuroniy“ jamgʻarmasi Fargʻona tumani boʻlinmasi, 2009-2020-yillarda ”Nuroniy“ jamgʻarmasi Fargʻona viloyat boʻlimi raisi boʻlgan. 60 yillik samarali mehnat faoliyati davrida jamiyatda ijtimoiy-maʼnaviy muhitni sogʻlomlashtirishda faol ishtirok etib kelgan. 2016-yilda ”Mehnat shuhrati" ordeni bilan mukofotlangan.