Mazkur huquqiy hujjatga muvofiq yuqorida qayd etilgan lavozimlarga oʻn besh yoshga toʻlmagan bolalar mehnat shartnomasi boʻyicha qabul qilinishi mumkin
Vazirlar Mahkamasi qarori Mehnat kodeksining 118-moddasi asosida qabul qilingan. Ushbu moddada madaniy-tomosha tashkilotlarida, televideniye, radioeshittirish tashkilotlarida va boshqa ommaviy axborot vositalarida sogʻligʻiga va maʼnaviy kamol topishiga ziyon yetkazmasdan asarlarni yaratish va (yoki) ijro etishda ishtirok etish uchun oʻn besh yoshga toʻlmagan shaxslar bilan mehnat shartnomasini tuzishga yoʻl qoʻyilishi nazarda tutilgan. Shuningdek, oʻn besh yoshga toʻlmagan professional sportchilar rasman ishga qabul qilinishi mumkin, deb xabar beradi “Norma”.
