Bu haqda Bilim va malakalarni baholash agentligi xabar berdi.
Qayd etilishicha, test sinovlarida 40 897 nafar talabgor ishtirok etdi. 2 902 nafar talabgor qatnashmagan boʻlsa, 83 nafar talabgor tartib-qoidani buzgani sababli test sinovlaridan chetlashtirildi.
20-avgust kuni oʻtkazilgan test sinovi natijalari bugun my.uzbmb.uz saytida eʼlon qilinadi.
Talabgorlar oʻz natijalarini my.uzbmb.uz saytidagi Oʻqishni koʻchirish (xorijiy va nodavlat) Natija boʻlimidan pasport seriyasi va raqami hamda shaxsiy identifikatsiya raqamini kiritgan holda bilishlari mumkin boʻladi.
Mutaxassislik fanlaridan kasbiy (ijodiy) imtihon topshirgan talabgorlarning natijalari OTMlar tomonidan kasbiy (ijodiy) imtihon natijalari Bilimni baholash agentligiga taqdim etilgandan soʻng eʼlon qilinadi, — deyiladi xabarda.
