Jumladan, Kengash aʼzolari ushbu olamshumul gʻalaba bilan butun Oʻzbekiston xalqiga tabrik izhor etib, bu tarixiy gʻalaba nafaqat Oʻzbekistonning balki turkiy xalqlarning gʻalabasi ekanligini mamnuniyat bilan taʼkidladi.
Yoshlarimiz tomonidan koʻrsatilgan ushbu natija muhtaram Prezidentimizning shaxmatga eʼtibori va gʻamxoʻrligi natijasi, albatta.
Oʻzbekiston xalqini ushbu gʻalaba bilan yana bir bor samimiy muborakbod etamiz.
Nodirbek Abdusattorov, Javohir Sindorov, Jahongir Vohidov va Nodirbek Yakubboyev Yangi Oʻzbekistonning yangi tarixini yozayotgan qahramon yoshlarimizdir.
Oʻzbekiston Respublikasi Oliy Majlisi Senati Axborot xizmati.