Ushbu maktabga “COSCOM” MCHJ va Xitoy Respublikasining Oʻzbekistondagi “ZTE” kompaniyasi bilan hamkorlikda jahon standartlariga javob beradigan turniket oʻrnatilgan boʻlib, unda shaxsni identifikatsiya qilish, oʻquvchilar davomatini aniqlash, tana haroratini oʻlchash va karantin talablarini eslatib turuvchi funksiyasi mavjud.
Undan tashqari faollar zali, 4 ta kompyuter xonasi, elektron kutubxonani kapital taʼmirdan chiqarib, 2 ta proyektor, shtativ ekran, 47 ta zamonaviy kompyuter qurilmalari, 1 elektron doska, koʻrgazmali stendlar va mebel jihozlari bilan taʼminlandi.
Shu bilan birga mazkur maktab Axborot va kommunikatsion texnologiyalarni rivojlantirish vazirligi tomonidan 42 dona zamonaviy kompyuter qurilmalari, 1 ta elektron doska, 2 ta proyektor va mebel jihozlari bilan taʼminlandi.