Hukumatning 2019 yil 12 iyuldagi “O'zbekiston Respublikasi Vazirlar Mahkamasi huzuridagi Agrosanoat majmui ustidan nazorat qilish inspektsiyasi faoliyatini tartibga soluvchi normativ-huquqiy hujjatlarni tasdiqlash to'g'risida”gi 575-sonli qarori bilan tasdiqlangan Nizom talablaridan kelib chiqib, "O'zagroinspeksiya"ning Ko'chatlar, meva-sabzavot va poliz qishloq xo'jaligi ekinlari urug'lari etishtirilishini nazorat qilish bo'limi tomonidan 2020 yilda respublikamizga chetdan keltirilgan mevali daraxt, tok ko'chatlari hamda sabzavot va poliz ekinlari urug'liklari tahlil qilindi.
SHuningdek, o'tgan yil davomida jami 156,6 tonna yoki 6,95 mln. dollarlik sabzavot va poliz ekinlari urug'liklari, shundan, 27,6 tonna piyoz urug'i, 17,1 tonna bodring urug'i, 2,7 tonna karam urug'i, 7,9 tonna turp, rediska urug'liklari, 1,7 tonna sholg'om urug'i, 2,1 tonna ukrop urug'i, 43 tonna kashnich urug'i, 60 kg yoki sabzi urug'i, 550 kg pomidor urug'i, 24,6 kg shirin qalampir urug'i va 38,9 tonna qovun urug'i, 15,4 tonna tarvuz urug'i, 50 kg qovoq urug'i chetdan keltirilganligi aniqlandi.
O'zbekiston Respublikasi Prezidenti Sh.M.Mirziyoev xududlarning ijtimoiy iqtisodiy rivojlanishini borishini o'rganish bo'yicha tashriflari davomida har bir viloyatda intensiv bog' va tokzorlarni tashkil etish va ushbu tashkil etiladigan bog'larga o'zimizning tuproq iqlim sharoitimizga mos keladigan mahalliy sharoitda ko'paytirilgan, kasalliklardan holi bo'lgan, yuqori hosil beradigan arzon va sifatli ko'chatlarni ekish topshirig'i berilgan.
Mazkur topshiriqlarning ijrosini to'liq ta'minlash maqsadida, bugungi kunda bo'lim tomonidan inspektsiyaning xududiy boshqarmalariga bir qator topshiriqlar berilib, respublikada ko'chat va urug' etishtirishga ixtisoslashgan fermer xo'jaliklari va Mas'uliyati cheklangan jamiyatlarda mahalliy sharoitda etishtirilayotgan mevali daraxt va tok ko'chatlari hamda sabzavot-va poliz ekinlari urug'larini sifatli etishtirilishi ustidan nazorat qilib borilmoqda.
