Qayd etilishicha, hisobot davrida maʼmuriy va fuqarolar oʻzini oʻzi boshqarish organlarining, mansabdor shaxslarining qarorlari ustidan shikoyat qilish toʻgʻrisidagi 6 991 ta ish koʻrib chiqildi. Xususan, hokim qarorini haqiqiy emas deb topish bilan bogʻliq koʻrib tamomlangan ishlar soni 2 720 tani tashkil qilib, shundan jismoniy va yuridik shaxslarning 933 ta arizasi qanoatlantirilgan.

Viloyat va unga tenglashtirilgan maʼmuriy sudlar tomonidan apellyatsiya tartibida 3 174 ta ish koʻrib chiqildi. Birinchi instansiya sudlari tomonidan chiqarilgan 385 ta qaror bekor qilinib, 14 ta qaror oʻzgartirildi. Kassatsiya tartibida 1 208 ta ish koʻrib chiqildi. Birinchi instansiya sudlari tomonidan chiqarilgan 130 ta qaror bekor qilinib, 4 ta qaror oʻzgartirildi. Taftish tartibida 1 649 ta ish koʻrib chiqildi. Quyi instansiya sudlari tomonidan chiqarilgan 141 ta qaror bekor qilinib, 2 ta qaror oʻzgartirildi.

Oliy sudning Maʼmuriy ishlar boʻyicha sudlov hayʼati tomonidan taftish tartibida 2 132 ta shikoyat va protest oʻrganib chiqilib, shundan 309 tasi ish materiallari asosida koʻrib chiqildi. Natijada quyi sudlar tomonidan chiqarilgan qarorlarning 95 tasi bekor qilindi.