XX asrning 70 yillarida Moskva tarixi muzeyi Markaziy Osiyoga ekspeditsiya joʻnatdi. Ekspeditsiya doirasida atoqli madaniyat arboblarining yodgorlik buyumlari toʻplandi. Shu tariqa muzeyga Oʻzbekiston xalq yozuvchisi Oybekka (1905 - 1968) tegishli buyumlar kelib tushdi.
Hozir muzeyda Oybekka 60 yilligi munosabati bilan sovgʻa qilingan parcha chopon saqlanmoqda. U ipak va zar iplar bilan bezatilgan.
Muzeyning yana bir nodir eksponati taniqli oʻzbek aktrisasi Tamaraxonimning konsert libosidir. Xonatlasdan tikilgan koʻylak ustida kalta yengsiz yoʻl-yoʻl beqasam nimcha ham bor. Aktrisa ushbu libosni 1930-yillarda Samarqand musiqali drama teatrida ishlagan paytida kiygan.