“Kazinform” xalqaro axborot agentligining yozishicha, bu haqda Oʻzbekiston kosmik agentligi direktori oʻrinbosari Muhiddin Ibrohimov maʼlum qilgan.

Muhiddin Ibrohimovga koʻra, joriy yilda Oʻzbekistondan 7 nafar talaba Yaponiyaning Kyusyu texnologiya institutiga magistratura bosqichiga oʻqishga yuboriladi.

– Ular oʻqish davrida sunʼiy yoʻldosh loyihasini ishlab chiqish, uni yigʻish va sunʼiy yoʻldoshni koinotga uchirishga oid bilimlarni oʻzlashtiradilar. Ayni paytda koinotga sunʼiy yoʻldoshni uchirish uchun kompaniyalar bilan shartnomalar tuzish kerakligini ham tushunishimiz kerak. Bizning rejamizga koʻra, Oʻzbekiston 2028-yilgacha oʻz sunʼiy yoʻldoshini koinotga olib chiqadi, – Oʻzbekiston kosmik agentligi direktori oʻrinbosari.

Oʻzbekiston tomoni Space X kompaniyasi bilan muzokaralar olib bormoqda.