Bu haqda Oʻzbekiston Respublikasi Prezidenti huzuridagi Statistika agentligi xabar berdi. 2024-yilning 1-yanvar holatiga respublikamizning doimiy aholisi 36 799 756 kishini tashkil etgan.
Respublikamizning doimiy aholisi soni oʻtgan yilning mos davri bilan solishtirilganda 2,2 % ga oshgan.
Mamlakatimiz aholisi 2023-yil boshidan buyon 774,8 ming kishiga koʻpaygan.
Oʻzbekiston aholisi 2023-yilning har bir oyida oʻrtacha 64,6 ming kishiga oshgan.
2023-yilning har bir kunida doimiy aholi soni oʻrtacha 2,1 ming kishiga koʻpaymoqda.
