Xususan:

– meʼyoriy hujjatlar talablariga zid ravishda oʻqishga qabul boshlangani haqida keng jamoatchilikka bir oy oldin xabar berilmagan;

– 496 nafar abituriyentning ijodiy imtihon natijalari videotasvirga olinmagan;

– 52 nafar abituriyentning amaliy ishlari shifrlanmasdan, maxfiyligi taʼminlanmagan holda qabul komissiyasi tomonidan baholangan.

Bundan tashqari, akademiyada 22 nafar oʻqituvchi-pedagoglarga dars mashgʻulotlari meʼyor talablariga zid ravishda qoʻshib yozilib, 319 mln. soʻm, oʻtilmagan dars soatlari uchun 154 mln. soʻm toʻlab berilgan.

Hujjatlar soxtalashtirilib, haqiqatda ishlamagan 7 nafar xodimlarga 270 mln. soʻm, yuklatilgan vazifalarni bajarmagan 6 nafar xodimlarga 107 mln. soʻm asossiz toʻlanib, byudjet mablagʻlari oʻzlashtirilgan.

Moddiy javobgar shaxslar tomonidan 76 mln. soʻmlik tovar-moddiy boyliklar kamomadiga yoʻl qoʻyilgan.

Aniqlangan qonunbuzilishi holatlari yuzasidan jinoyat ishi qoʻzgʻatilib, hozirda tergov harakatlari olib borilmoqda.