Vena shahrida Oʻzbekistonning Favqulodda va Muxtor Elchisi Baxtiyor Ibragimovning Avstriya Prezidenti Aleksandr Van der Bellenga ishonch yorliqlarini topshirish rasmiy marosimi boʻlib oʻtdi.
Marosim doirasida elchining Avstriya Prezidenti bilan suhbati boʻlib oʻtdi. Unda siyosiy, iqtisodiy, madaniy-gumanitar va boshqa sohalardagi ikki tomonlama hamkorlikning dolzarb masalalari muhokama qilindi.
Suhbat yakunida Avstriya Prezidenti elchini yangi lavozimga tayinlangani bilan tabrikladi va uning ushbu masʼuliyatli faoliyati Avstriya va Oʻzbekiston oʻrtasidagi koʻp qirrali munosabatlarni yanada kengaytirishga xizmat qilishiga umid bildirdi.
O'zbekistonning Rossiya Federatsiyasidagi elchixonasining shtat jadvaliga, birinchi kotib – O'zbekiston Respublikasi Ichki ishlar vazirligi vakili qo'shimcha lavozimi kiritildi.
2024-yil 1-dekabrdan boshlab Rossiyaga kirish va chiqishda chet el fuqarolari va fuqaroligi boʻlmagan shaxslar uchun biometrik maʼlumotlarni taqdim etish boʻyicha eksperiment boshlanadi.
Oʻzbekistonning Afgʻonistondagi yangi tayinlangan Favqulodda va muxtor elchisi Oybek Usmonov Tolibon muvaqqat hukumati tashqi siyosat idorasi rahbari Mavlaviy Amirxon Muttaqiyga ishonch yorligʻi nusxasini topshirdi.
O'zbekistonning Favqulodda va Muxtor elchisi (qarorgohi Berlin shahrida) Dilshod Axatov kecha Shveysariya Prezidenti Viola Amherdga o'zining ishonch yorliqlarini topshirdi.
