Hujjatga koʻra, Oʻzbekiston fuqarolari 30 kundan oshmagan muddatda BAA hududida boʻlishi davrida viza talablaridan ozod etiladi.
Maʼlumot uchun: 2023-yil davomida BAAga 119 ming 454 nafar Oʻzbekiston fuqarolari tashrif buyurgan va 9,2 mln. AQSH dollari miqdorida viza rasmiylashtirish uchun sarf qilgan.
Hukumatlararo hamkorlik protokoli Oʻzbekiston Respublikasining BAAdagi favqulodda va muxtor elchisi A.Aqqulov va BAA Tashqi ishlar vaziri oʻrinbosari Xolid Abdulla Belhul tomonidan imzolandi.
Hujjat rasman 2024-yil 16-fevraldan kuchga kiradi.
Imzolangan hujjat Oʻzbekiston fuqarolari uchun viza rasmiylashtirmasdan boriladigan mamlakatlar sonini 29 taga yetkazib, Oʻzbekistonni Global Passport Power reytingida 71 oʻringa koʻtaradi.
