Veb-saytda siz komissiya faoliyati bilan tanishishingiz, komissiya tarkibi, komissiyaning turli xalqaro tashkilotlar, nodavlat tashkilotlar va davlat idoralari bilan hamkorligi haqida maʼlumot olishingiz mumkin. Shuningdek, ushbu platformada siz Oʻzbekistonda ayollarning huquqlarini taʼminlashning qonunchilik asoslari boʻlgan muhim normativ-huquqiy hujjatlar bilan tanishishingiz mumkin. Bundan tashqari, siz komissiya tomonidan bajarilgan ishlar toʻgʻrisidagi hisobotni oʻqishingiz mumkin.
Veb-saytning eng muhim qismi “Interaktiv xizmatlar” boʻlimidir. Ushbu boʻlimda siz butun mamlakat boʻylab zoʻravonlik qurbonlariga yordam koʻrsatuvchi barcha reabilitatsiya markazlari bilan bogʻlanish boʻyicha maʼlumotlarni topishingiz mumkin. Buning uchun “Interaktiv xarita” boʻlimiga oʻtib, foydalanuvchi murojaat qilmoqchi boʻlgan reabilitatsiya markazi joylashgan hududni ekranda paydo boʻlgan Oʻzbekistonning xaritasida tanlaydi. Shundan soʻng, ushbu hududdagi barcha mavjud reabilitatsiya markazlari bilan bogʻlanish maʼlumotlari keltirilgan alohida oyna ochiladi.
“Interaktiv xizmatlar” boʻlimida “Savollar va javoblar” sahifasi mavjud boʻlib, unda veb-saytga tashrif buyuruvchilar gender va gender tengligi bilan bogʻliq eng asosiy savollarga javob olishlari mumkin. Masalan, bu yerda siz ayollarga nisbatan zoʻravonlik turlari, ayollarning kamsitilishiga qarshi kurashish boʻyicha davlat tomonidan koʻrilayotgan chora-tadbirlar, shuningdek, ayollar uchun teng huquq va imkoniyatlarni taʼminlashning ahamiyati haqida maʼlumot olishingiz mumkin.
Shuningdek, saytda siz Himoya orderi nima ekanligini, ayollarni tazyiq va zoʻravonlikdan himoya qilish toʻgʻrisidagi qonunni qabul qilishning ahamiyati hamda motivatsion videolavhalarni topishingiz mumkin.
