Лого Лого-пв-уз

    Oʻzbekiston hukumati Afgʻoniston xalqiga har tomonlama yordam koʻrsatishga tayyor

    Afgʻonistonda sodir boʻlgan zilzila va uning oqibatlari yuzasidan Oʻzbekiston Tashqi ishlar vazirligi bayonot berdi.

    "Afgʻonistonning Paktika va Xost provinsiyalarida roʻy bergan zilzila oqibatida koʻplab insonlarning qurbon boʻlgani va jarohatlangani, shuningdek, jiddiy vayrongarchiliklar kelib chiqqani haqidagi xabarlar Oʻzbekistonda chuqur qaygʻu bilan qabul qilindi.

    Halok boʻlganlarning oilalariga chin dildan hamdardlik bildirib, jarohatlanganlarning tezroq sogʻayib ketishini tilaymiz.

    Oʻzbekiston hukumati tabiiy ofatning fojiali oqibatlarini imkon qadar tez bartaraf etishda birodar Afgʻoniston xalqiga har tomonlama yordam koʻrsatishga tayyor", deyiladi bayonotda.