Tadbirda OʻzLiDeP faollari, tadbirkorlar va ishbilarmonlar, turli soha vakillari, sanʼat va madaniyat namoyandalari, mahalliy va xorijiy ommaviy axborot vositalari xodimlari, keng jamoatchilik ishtirok etmoqda.
Yigʻilganlar Markaziy saylov komissiyasi matbuot markaziga onlayn tarzida bogʻlanib, saylovning dastlabki natijalarini kuzatib bordi.
Oʻzbekiston Respublikasi Prezidenti saylovining dastlabki natijalariga koʻra, Oʻzbekiston Respublikasi Prezidenti saylovida Shavkat Miromonovich Mirziyoyev 80,1 foiz ovoz bilan gʻalaba qozongani haqidagi xushxabar yigʻilganlar tomonidan gulduros qarsaklar bilan kutib olindi.
Shavkat Mirziyoyev tadbirda soʻzga chiqib, oʻziga bildirilgan yuksak ishonch uchun butun xalqimizga minnatdorlik bildirdi.
Tadbir davom etmoqda.