Mamlakatimiz diplomatiya missiyasidan maʼlum qilinishicha, Prezident Shavkat Mirziyoyevning “Yangi Oʻzbekiston demokratik oʻzgarishlar, keng imkoniyatlar va amaliy ishlar mamlakatiga aylanmoqda” sarlavhali intervyusi Qozogʻiston ijtimoiy-siyosiy, ilmiy-tahlil, madaniy-maʼrifiy, doiralar va ommaviy axborot vositalarida katta qiziqish uygʻotdi, deb xabar beradi “Dunyo” AA.
Davlatimiz rahbari bilan suhbatning qozoq va rus tillaridagi matnlari mamlakatdagi qator ommabop onlayn-nashrlar sahifalarida eʼlon qilingani shundan dalolat beradi.
Oʻzbekiston yetakchisi ushbu intervyuda mamlakatimiz tarixi, bugungi kuni va kelajagi, mintaqamizda va jahon miqyosida sodir boʻlayotgan murakkab jarayonlarga oʻz munosabatini bildirgan.