Uchrashuvda tomonlar mudofaa sohasidagi oʻzaro manfaatli hamkorlik aloqalarining bugungi holati va istiqbollarini muhokama qilib, uni yanada kuchaytirish borasida fikrlar bilan almashdilar.

Xususan, Qozogʻistonda boʻlib oʻtgan “Qalqon-2021” hamda Oʻzbekistonda davom etayotgan “Hamkorlik-2021” qoʻshma oʻquvlarining ahamiyati, boʻlinmalarning jangovar tayyorgarlik masalalariga atroflicha toʻxtalib oʻtishdi.

Muloqot davomida qardosh xalqlarning birdamligi, ikki tomonlama harbiy va harbiy-texnik hamkorlik masalalarining joriy holati hamda istiqbollari, mintaqaviy xavfsizlik masalalari muhokama etildi, deb xabar beradi Mudofaa vazirligi matbuot xizmati.