Bu haqda Oʻzbekiston tashqi ishlar vaziri Baxtiyor Saidov oʻzining telegram kanalida maʼlum qildi.
Qayd etilishicha, tomonlar Oʻzbekiston-AQSH oʻrtasidagi aloqalarning muhim mavzularini muhokama qilgan.
«Oʻzbekiston Tashqi ishlar vazirligi va AQSH Davlat departamenti mamlakatlarimiz oʻrtasidagi strategik sheriklikni barcha sohalarda kengaytirish yoʻlida yaqin hamkorlikni davom ettirishiga kelishib oldik, – deb yozdi Oʻzbekiston TIV rahbari oʻzining telegram-kanalida. – Ishbilarmon doiralar oʻrtasida mustahkam koʻpriklar barpo etish, har ikki yoʻnalishda tovar ayirboshlash hajmini oshirish, Markaziy Osiyo va undan tashqarida farovon taraqqiyotni taʼminlash kun tartibimizning asosiy qismidan oʻrin oldi«.
