“Bugun Tashqi ishlar vazirligida “Liwayway Group” kompaniyasi direktorlar kengashi asoschisi va raisi Karlos Chan janoblari va uning jamoasi bilan uchrashishdan mamnunmiz, – deb yozdi Oʻzbekiston TIV rahbari oʻzining telegram kanalida. – Filippindagi doʻstlarimizga mamlakatlarimiz oʻrtasidagi aloqalarni mustahkamlashga qoʻshayotgan hissasi uchun minnatdorlik bildiramiz. Shuningdek, Oʻzbekiston -Filippin hamkorligining koʻplab istiqbolli yoʻnalishlarini muhokama qildik”.
Eslatib oʻtamiz, tashqi ishlar vaziri Baxtiyor Saidov 2017-2021-yillarda Oʻzbekistonning Xitoydagi, bir vaqtning oʻzida oʻrindoshlik asosida Moʻgʻuliston va Filippindagi Favqulodda va Muxtor elchisi sifatida faoliyat yuritgan, deb xabar beradi “Dunyo” AA.