TIV rahbarlari oliy darajada boʻlib oʻtadigan tashrif oldidan tayyorgarlik masalalarini koʻrib chiqdilar. Suhbat chogʻida Oʻzbekiston va Tojikiston tashqi ishlar vazirliklari ikki mamlakat oʻrtasidagi yaxshi qoʻshnichilik, strategik sheriklik va ittifoqchilik munosabatlarini yanada mustahkamlashga barcha imkoniyatlarni yoʻnaltirayotgani alohida taʼkidlandi. Hamkorlikni tobora rivojlantirish, savdo aloqalarini mustahkamlash, barcha yoʻnalishlar boʻyicha muntazam almashinuvlarni taʼminlash ustuvor vazifalardan ekanligi qayd etildi, deb xabar beradi Tashqi ishlar vazirligi matbuot xizmati.