So‘nggi yillarda ko‘p qirrali O‘zbekiston-AQSh hamkorligi siyosat va xavfsizlik, savdo-iqtisodiyot, insonparvarlik, madaniy-gumanitar sohalarda faol rivojlanib borayotgani ta’kidlandi. Ikki mamlakat parlamentlari o‘rtasida ham qizg‘in muloqot yo‘lga qo‘yilgan.
Tomonlar 2022-yil dekabr oyida O‘zbekiston va AQSh o‘rtasidagi strategik sheriklik muloqotining ikkinchi yig‘ilishi yakunlari bo‘yicha erishilgan kelishuvlarni har tomonlama amalga oshirishga tayyorligi qayd etildi.
Ikki tomonlama darajada va «5+1» muloqoti doirasida rejalashtirilgan tadbirlar jadvali yuzasidan fikr almashildi, deb xabar beradi Tashqi ishlar vazirligi matbuot xizmati.