Oʻzbekiston tashqi ishlar vaziri Baxtiyor Saidov bugun Olmaota shahrida "Markaziy Osiyo — Xitoy" formatidagi tashqi ishlar vazirlarining navbatdagi uchrashuvida ishtirok etdi.
«Bugun Olmaota shahrida Markaziy Osiyo – Xitoy formati doirasida tashqi ishlar vazirlarining VI uchrashuvi boʻlib oʻtdi, – deb yozdi Oʻzbekiston TIV rahbari oʻzining telegram kanalida. – Hamkasblarimiz bilan birgalikda mintaqaviy hamkorlikni mustahkamlash, savdo va oʻzaro bogʻliqlikni kengaytirish, umumiy chaqiriqlarga birgalikda yechim topish masalalarida samarali va samimiy muhokamalar oʻtkazdik.
Oʻzbekiston oʻz qoʻshnilari va Xitoy bilan strategik sheriklikni yanada chuqurlashtirish, oʻzaro ishonchni mustahkamlash va mintaqamizda barqaror rivojlanishni ragʻbatlantirishga sodiq qoladi. Uchrashuvda ilgari surilgan tashabbuslar barcha uchun umumiy farovonlik yoʻlida xizmat qilishiga qatʼiy ishonamiz.
Barcha qatnashchilarga konstruktiv ishtiroklari uchun minnatdorlik bildiramiz va kelgusida ham hamkorligimizni davom ettiramiz«.
