Oʻzbekiston bilan Ozarbayjon oʻrtasidagi doʻstlik, strategik sheriklik va ittifoqchilik munosabatlarini yanada kengaytirish va mustahkamlashning eng dolzarb masalalari batafsil muhokama qilindi.
Oʻtgan yil avgust oyida Ozarbayjon Prezidentining Oʻzbekistonga davlat tashrifida erishilgan kelishuvlarga muvofiq amaliy hamkorlik boʻyicha rejalarni amalga oshirishga alohida eʼtibor qaratildi.
Iqtisodiy hamkorlik yili doirasida birgalikda samarali ishlar olib borilayotgani alohida mamnuniyat bilan qayd etildi. Tovar ayirboshlash hajmi ortmoqda, avtomobilsozlik, toʻqimachilik, elektrotexnika, energetika, qishloq xoʻjaligi, turizm va koʻplab boshqa tarmoqlardagi loyihalar faol bosqichga kirgan.
Bundan tashqari, madaniy-gumanitar almashinuv doirasidagi tadbirlar muntazam oʻtkazib kelinmoqda.
Davlat rahbarlari xalqaro ahamiyatga molik masalalar yuzasidan fikr almashdilar, shuningdek, boʻlajak oliy va yuqori darajadagi ikki tomonlama uchrashuvlar va koʻp tomonlama sammitlar rejasini koʻrib chiqdilar.
