Uchrashuvda tomonlar parlamentlararo aloqalarni yanada rivojlantirish istiqbollarini muhokama qildilar.
Xususan, yuqori darajadagi ikki tomonlama kelishuvlarning amalga oshirilishini taʼminlash, shu jumladan, parlamentlarning savdo-iqtisodiy, madaniy-gumanitar sohalardagi qoʻshma loyihalarni huquqiy jihatdan taʼminlashi masalalariga eʼtibor qaratildi.
2022-yilda parlamentlararo hamkorlikni rivojlantirish boʻyicha Toshkentda imzolangan amaliy harakatlar rejasi, yaʼni “yoʻl xaritasi” ijrosi toʻliq taʼminlangani alohida qayd etildi.
Uchrashuv yakunida parlamentlar oʻrtasidagi hamkorlikni yanada yuqori bosqichga koʻtarishga qaratilgan 2024–2025-yillarga moʻljallangan yangi “Yoʻl xaritasi” imzolandi.
Ushbu hujjat parlament aʼzolari oʻrtasida tashrif almashish orqali oʻzaro munosabatlarni chuqurlashtirish, qonun ijodkorligi faoliyatini rivojlantirishni koʻzda tutadi. Shuningdek, undan ilm-fan, taʼlim, sogʻliqni saqlash, turizm, ekologiya, madaniyatlararo muloqotni rivojlantirish boʻyicha hamkorlikning huquqiy asoslarini takomillashtirish kabi yoʻnalishlar ham oʻrin olgan, deb xabar beradi Oliy Majlis Senati matbuot xizmati.