Muloqot chogʻida Oʻzbekiston va Shveysariya oʻrtasida ishlab chiqilayotgan ikki tomonlama hujjatlar, shuningdek, boʻlgʻusi yuqori darajadagi tashriflar doirasida imzolanishi mumkin boʻlgan bitimlar yuzasidan oʻzaro fikr almashildi.
Tomonlar ularni koʻrib chiqishni tezlashtirish toʻgʻrisida kelishib oldilar.
Uchrashuvda, shuningdek, Oʻzbekiston -Shveysariya hamkorligining shartnomaviy-huquqiy bazasini takomillashtirish maqsadida iqlim oʻzgarishi, “yashil” energetika, turizm, qishloq xoʻjaligi, sertifikatlashtirish, huquqiy yordam, “aqlli shahar” boshqaruvi, sunʼiy intellekt kabi istiqbolli sohalarda ikki tomonlama xalqaro shartnoma va hujjatlarni ishlab chiqish hamda imzolash masalalari ham muhokama etildi, deb xabar beradi “Dunyo” AA.