Bu haqda Statistika agentligi xabar berdi.
Qayd etilishicha, Oʻzbekistonga iyul oyida 174,2 million dollarlik gaz import qilingan. Bu 2023-yil iyuliga nisbatan 174 baravar koʻp. Yaʼni oʻtgan yilning iyul oyida xorijdan 1 million dollarlik gaz sotib olingan.
Statistik raqamlarga qaraganda, joriy yilda Oʻzbekiston gaz importiga quyidagi miqdorlarda mablagʻ sarflangan:
— Yanvarda — 35,6 million dollar;
— Fevralda — 131,1 million dollar;
— Mart — 193,6 million dollar;
— Aprel — 102,6 million dollar;
— May — 108,4 million dollar;
— Iyun — 166,3 million dollar.
Oʻtgan 7 oyda mamlakatga 983,7 million dollarlik tabiiy gaz import qilingan. Oʻtgan yilning mos davridagi koʻrsatkich esa 201 million dollarga teng boʻlgan.
