2020-yil 16-iyul kuni ushbu shartnomani onlayn konferensiya shaklida imzolash jarayoni boʻlib oʻtdi.
— Agentlik SDG dasturi va yangi moliyaviy vositalarni, xususan, Sukuk obligatsiyalarini ishlab chiqishga sodiqdir, chunki bu jarayon Oʻzbekistonda barqaror rivojlanish milliy maqsadlariga erishishdagi boʻshliqni bartaraf qiladi, — dedi Kapital bozorini rivojlantirish agentligi direktori Otabek Nazirov. — Oʻzbekiston dunyoning boshqa mamlakatlari qatori pandemiya tufayli ogʻir kunlarni boshdan kechirmoqda. Ushbu vaziyatda Oʻzbekiston Hukumati uzoq muddatli tiklanish strategiyasini qoʻllab-quvvatlashga va ishlab chiqarishga tayyor. Istiqbolli yondashuvni Agentlikning yangi, alternativ moliyalashtirish vositalarini ishlab chiqishni jadallashtirish niyatida ham koʻrish mumkin.
«Oʻzbekistonda yashil Sukukni joriy qilish uchun qulay shart-sharoitlarni yaratish boʻyicha saʼy-harakatlar yuqori baholanmoqda. BMT Taraqqiyot dasturi ushbu yoʻnalishda hamkorlik qilishga va uni amalga oshirish jarayonini qoʻllab-quvvatlashga tayyor,» deya xulosa qildi BMT Taraqqiyot dasturining Oʻzbekistondagi doimiy vakili Matilda Dimovskaya shartnomani imzolash marosimida.
Islom taraqqiyot bankining mamlakat dasturlari boʻyicha vitse-prezidenti Mansur Muxtor taʼkidlaganidek, ITB Oʻzbekistonning mamlakat rivojlanishi uchun moliyaviy imkoniyatlarini kengaytirish yoʻlidagi tashabbuslarini qoʻllab-quvvatladi.
Shartnoma Oʻzbekistonda qimmatli qogʻozlar bozori uchun zarur asos yaratishga yordam beradi. Qoʻshma hamkorlik yangi moliyaviy vositani joriy qilish uchun huquqiy va institutsional bazani rivojlantirishga koʻmaklashadi va 2021-yilda islomiy moliyaviy mahsulotni chiqarish uchun keyingi qadamlarni qoʻyadi.
